بست.. تفتكر ايه علاقة الحيوانات بسيؤلوجية السوسايتي؟ May15

بست.. تفتكر ايه علاقة الحيوانات بسيؤلوجية السوسايتي؟

,

May 15, 2017

,

منوعات

في كتير مننا بيفتكر أن الحيوانات دي ملهاش أهمية، يعني تلاقي نفسك بتتأمل في الكون كدا وانت قاعد على الكرسي وتقول الله! هو ربنا خلق ليه القطة والكلب؟ طيب هو ايه فايدة الفار أو الخنفسه؟ ايه اليع دا ! يعني هو ربنا بيخلق الحاجات دي ليه؟ وبعيدا بقى عن قصة أن الحيوانات مفيدة، زي مثلا الحمار الي بيعرف الطريق فبيوصل الفلاح، أو الكلب الي بيحمي البيت وانت مش موجود، إلا ان الحيوانات دي غيرت مصير دول،.. متخيل؟ آه والله يابني زي ما بقولك كدا، طيب أنا هحكيلك قصة تبينلك دا، في سنة 1705 غرقت سفينة فرنسية، والسفينة دي بقى ملقتش مكان تغرق فيه غير السواحل البريطانية، وكل الناس ماتت يا عم، كله، الركاب، طقم السفينة، دا حتى الخشب باش، متخيل بقى؟ ومفضلش من السفينة دي غير حاجة واحدة بس، قرد
آه قرد، مش دي المشكلة، المشكلة أن بريطانيا افتكرته جاسوس جاي من فرنسا يتجسس عليهم، ويعرف اسراهم، فمسكت القرد عدمته، ههههه قرد خلى مصير دولة كله يتغير، عرفت أن الحيوانات مؤثرة؟
طيب لعلمك بقى ربنا مش بيخلق حاجة وحشة أو ملهاش فايدة، يعني مثلا ربنا خلق الحشرات الي كل شوية تضايقك دي لهدف، عارف ايه هو؟ ربنا عاوز يقول للانسان انت ضعيف جدا، واقدر اخلق حاجة تضايقك، عشان تشيل التكبر والغرور وكل صفة وحشة ممكن تمنعك من التقرب منه، عرفت بقى ؟ معرفش من غيري كنت هتعمل ايه، ربنا ما يحرمك مني