بست.. متيجي نعيش على كوكب غير الأرض؟ May15

بست.. متيجي نعيش على كوكب غير الأرض؟

,

May 15, 2017

,

منوعات

دايما تسمع عن كوكب الأرض، كوكب الأرض راح، كوكب الأرض جيه، أحنا عايشين على كوكب الأرض، أحنا جايين من كوكب الأرض، وكآن ربنا مخلقش كواكب تانية، ودا لانك متخيل أن الحياة موجودة بس على كوكب الأرض ومفيش أنسان يجرأ أنه يعيش على أي كوكب تاني، متخيل أن الشمس بتيجي عندنا أحنا بس، وأن القمر بيمسي علينا وملوش دخل بالكواكب التانية، طب عارف! لو الشمس والقمر دول مهمين عشان نعيش، وتخيلنا أنهم راحو عدو على كوكب تاني زي الأرض كدا، احنا بقى مش هنعرف نعيش على الكوكب دا، ما عندك مثلا كوكب أورانوس، زي الفل ومنور وجميل، والشمس بتدعى عليه، بس مينفعش نعيش فيه، ميجذبش كده ( يعني مفهوش جاذبية).. مش جذاب يعني، وبعدين الدنيا فيه غتته أوى، دي الشمس لما بتشرق في القطب الشمالي منه، بتقعد 42 سنة، آه بجد، تخيل تعيش على كوكب عشان تتحر وتتسلق، وعلى شرط، مفيش ليل، يعني ال 42 سنة دول نهار بس، ولو شاطر أنزل روح كوكب تاني، ولما الشمس تروح بيتها بيقولك الليل بيفضل 42 سنة برضو، متعرفش اورانوس ليه بيحب 42!! يمكن عنوان بيتهم، نيهاهاهاها، ( طبعا دي سخافة سيبك منها).. المهم يا سيدي مفيش أحلى من كوكب الأرض، أينعم طالع عينا فيه، بس منقدرش نعيش من غيره، ربنا يخلي لينا كوكب الأرض ( أول مرة القاله فايدة ابن اللذينة)،.. نقعد 42 سنة نهار أو ليل.. قالك